தமிழ் சினிமாவில் முன்னும் பின்னும் அப்படி ஒரு மனிதரைப் பார்த்தல் அரிது என்று பன்னெடுங்காலமாய்ப் புகழப்படுகிறவர். தென்னகத்து ஜேம்ஸ் பாண்ட் என்று ஜெய் ஆனதெல்லாம் சர்க்கரைக்குள் எறும்பு தவறி விழுந்தாற் போன்ற இனிய விபத்து. நாயகனாக அவர் மின்னி மிளிர்ந்ததை விடவும் வில்லனாக குணச்சித்திர வேடங்களை எல்லாம் ஏற்று நடித்த காலகட்டம் தான் அவருடைய நடிக வாழ்வின் பரிமளம் என்பது என் தீர்மானம்.

மெட்டுக்குத் தப்பாத தமிழ்ச்சாற்றைக் கவியாக்கித் தந்தார் மாயவநாதன். டி.எம்.சவுந்தர்ராஜனும் பி.சுசீலாவும் சேர்ந்து பாடிய ஆயிரக்கணக்கான பாடல்களில் இதுவுமொன்று என்று தள்ளிவிட முடியாத வண்ணம் தமிழால் அதன் அழகால் இதனைத் தனிக்கச் செய்வது பாடல் வரிகளின் நேர்த்தி.

இன்றெல்லாம் கேட்கலாம்